Sostenibilitat lingüistica

Ué lèu 5.500 espècies animaus dera planeta son en perilh d’extincion. Tanben  mès dera mitat des apuprès 6.000 lengües que se parlen actuauments pòden desaparéisher durant aguest sègle segons era Unesco.

Era planeta serà ecologicaments sostenibla s’eth progrès economic o industriau non met en perilh er entorn. Dera madeisha manèra, serà sostenibla lingüisticaments s’ei garantida era superviuença des lengües ath marge deth nombre des sòns parlants o eth pes politic que poguen auer.  

Se tracte, donques, d’arténher qu’es lengües poguen convíuer. Qu’era poténcia d'ues non amie ara desaparicion des autes. Que convisquen sense establir relacions de dominacion ne de subordinacion.

Per aquerò, en Linguamón – Casa des Lengües  credem qu’ei de besonh d’amiar esfòrici mondiaus entà qu’era societat sigue conscienta dera importància de sauvar es lengües e es cultures deth mon. 

Trebalham tà que toti es govèrns, des locaus enquias internacionaus, se comprometen a protegir e promòir es lengües. E tanben tà qu’es ciutadans ajam ua actitud dubèrta a cultures naues, sense desbrembar era nòstra. Linguamón - Casa des Lengües trebalhe, en definitiva, entara arreconeishença e era dignitat de totes es lengües e de toti es sòns parlants. 

Eth mon se pòt desvolopar e intercomunicar sense besonh de destrusir es recorsi lingüistics e culturaus que mos identifiquen.