Generalitat de Catalunya

Capçalera amb recurs gràfic que fa referència a la secció "La Notícia"

Inici
President
Era persona
Era biografia deth president

Era biografia deth president

Era soma de vivéncies personaus e professionaus a acabat en tot configurar ath José Montilla qu'aué coneishem. Descurbitz aciu es hèts mès significatius dera sua trajectòria.

1955
José Montilla nèish eth 15 de gèr de 1955 en “Remolino”, un pòble deth municipi cordovés d'Iznájar.

1971
Eth e era sua familha se trasladen tà Catalonha e fixen era sua residéncia en “Sant Joan Despí”.
Ei maridat e a cinc hilhs. A corsat estudis d'economia e dret ena Universitat de Barcelona e ei foncionari dera administracion publica.

1978
S’incorpòre ath Partit des Socialistes de Catalonha (PSC-PSOE). Er an següent se presentarie per prumèr viatge a ues eleccions e passarie a aucupar eth cargue de tinent alcalde d'Economia e Isenda.

1985
Ei escuelhut alcalde de “Cornellà de Llobregat”. Govèrne era ciutat enquiar an 2003, dempús d’arténher era reeleccion damb majoria absoluta enes eleccions de 1987, 1991, 1995, 1999 e 2003.

1988
Assumís era Presidéncia deth Conselh Comarcau deth “Baix Llobregat”, responsabilitat que desvoloparà enquiar an 1997.

2000
Assumís era Prumèra Secretaria deth PSC-PSOE, dempús d’exercir diuèrses responsabilitats ena formacion.

2003
Aucupe era Presidéncia dera Deputacion de Barcelona enquia abriu deth 2004, dempús d’ua longa experiéncia dauant dera institucion, que comencèc en 1983 coma deputat provinciau d'Òbres Publiques.

2004
març - Dirigís era candidatura deth PSC en Congrès des Deputats pera circonscripcion de Barcelona, en tot èster elegit deputat.
abriu - Cesse de toti es sòns cargues ena Administracion Locau e, eth dia 18 deth madeish mes, pren possession coma ministre d’Industria, Torisme e Comèrç.

2006
Eth 24 de noveme deth 2006, eth Plen deth Parlament investís José Montilla coma eth 128au president dera Generalitat de Catalonha.